Saturday, April 10, 2010
ကျိန်စာမိတဲ့ နတ်ဆိုးနန်းတော်
.
ထိထိမိမိ ကွဲရှပြီးသား အသည်းကို
ဘာဖြစ်လို့ ထပ်ပိုင်းဖြတ်ချင်တာလဲ
တစ်စက်စက် ယိုစိမ့် ကျနေတဲ့
အလွမ်းတွေ အောက်မှာ
ဒုတိယမိ ငါ့လည်ကို
ထပ်စင်းခိုင်းစေချင်တယ်ဆိုရင်တောင်
ငါ လည်စင်းခံဖို့ မဆိုင်းဘူး ချစ်သူ . . . . .
ယုံကြည်ပြီးသား . . . . .
ခွင့်လွတ်ပြီးသား . . . . .
တစ်တစ်ရစ်ရစ် စွဲရစ်ခဲ့တဲ့
ငါ့အချစ်တွေကို မြေချပေးဖို့ . . . . .
မင်းစကားတစ်ခွန်းပဲ လိုအပ်မှာပါ . . . . .
မင်းနင်းလျှောက်မယ့်လမ်းမှာ
ငါဟာ နှောက်ယှက်မိသူဖြစ်ခဲ့ရင်
ရင်ခွင်လမ်းမရဲ့ ဘေးကို ငါဆင်းပေးပါ့မယ်
တစ်ယောက်တစ်ခြမ်း နေနေရတဲ့ ကမ္ဘာမှာ
ငါဟာ စကြာဝဌာထဲကို မလွင့်ချင်ခဲ့ဘူး ချစ်သူ . . . . . .
ငါ့ ရင်ခွင်နန်းတော်မှာ
ဘုရင်မ မလုပ်ချင်ဘူးဆိုရင်
လမ်းခွဲစကား မပြောပဲ
တိတ်တဆိတ် မင်းထွတ်ခွါသွားပေးပါ
မင်းကျောခိုင်း ထွတ်ခွါသွားမှာကို
ငါခံနိုင်ရည် မရှိလို့ပါ ချစ်သူ . . . . . . .
နတ်ဆိုးဆိုတာ နောက်ဆုံးတော့ နတ်ဆိုးပါပဲ
ဘယ်သူမှမစံချင်တဲ့ နတ်ဆိုးနန်းတော်မှာ
ငါဟာ အလွမ်းပုရပိုဒ်ကို ရေးဆဲပါပဲ . . . . . . . .
Subscribe to:
Post Comments (Atom)
No comments:
Post a Comment