ခေါက်ရိုးကျိုးနေတဲ့ အိပ်ရာဝင် အလွမ်းကဗျာ

. ဒီလိုနဲ့ပဲ ငါတို့ ဝေးကြတော့မယ် ထင်ပါတယ် အိမ့်ဖြူလေးရယ်. . . တဖက်သတ် ဆန်တဲ့ စီရင်ချက်တွေနဲ့ မိုးမသောက်ခင် ငါ့ရင်ခွင်ကို မင်း စွန့်ခွါသွားတယ် . . . . အရာရာဟာ မှုန်မှိုင်းဝေ့သီလို့ ငါတို့ မျက်စိတွေ မှိတ်ထားကြရုံပါပဲ . . . . ဒီ တဒင်္ဂ လောကကြီးမှာ ငါ့ ပန်းသီ အိမ်မက်တွေ ကြွေကျသွားခဲ့တယ် . . . . ဖောက်ကနဲ ပေါက်ထွတ်သွားတဲ့ မျက်ရည်တစ်စက်မှာ ၀မ်းနည်းစရာတွေ ဖွေးဖွေး စင်စင် လွင့်ထွတ် လာတယ် ။ ကြယ်စင်တွေ ငိုခဲ့ကြတယ် . . . ခေါင်းလောင်းသံတွေ အက်ကွဲနေတယ် . . . လေပြေတွေတောင် ငိုရှိုက်လို့ပါပဲ . . မျက်ရည်နှလုံးသားတွေနဲ့ ငါတို့ ဆက်သွားကြရမည့် . . . . ငါ့လက်ထဲမှာ မှေးစက်ခဲ့တဲ့ မင်းလက်ကလေး ပျောက်ဆုံးသွားသလို မင်းလက်ပေါ်မှာ အုပ်မိုးခဲ့တဲ့ ငါ့လက်ကလေး ပျောက်ဆုံးနေခဲ့ပြီပဲ . . ။ နှလုံးသားတွေ တိုးတိတ်ကြေကွဲ ငိုကြွေးကြတယ် . . . . ငါ မရေးချင်သော ဒဏ္ဍာရီကို ငါရေးရဦးမည် . . . . ငါ မဖတ်ချင်သော အလွမ်းဘာသာကို ငါဖတ်ရဦးမည် . . . ငါ မမက်ချင်သော အလွမ်း အိပ်မက်ကို ငါမက်ရဦးမည် ။ တွန်းချခံလိုက်ရတဲ့ အဆုံးမဲ့ နာကျင်မှုထဲ ငါ ပျော်နေဦးမည် ပြုံးရယ်ဖြစ်နေဦးမည် . . . ဒါပေမဲ့ နာ ကျင် နေ ရင်း . . . . ။ ငါတို့ နှုတ်ဆက်ရဦးမည်လား . . . . နှုတ်မဆက်ပဲ ထွတ်ခွါသွားသူအတွက် နှုတ်ဆက်စကားတော့ ငါပြောခွင့် ရဦးမယ်ထင်ပါတယ် . . . . ဒါပေမဲ့ ငါ့ကို ပြောခွင့် မပြုပါနဲ့ . . . . မိုးမှာကြွေတဲ့ ပန်းတစ်ပွင့်နဲ့ ဆောင်းအိပ်မက်ကို ပြန်လာဖို့ ငါဆုတောင်းဖူးတယ်. . . အိပ်မက်တို့က မှုန်သီေ၀၀ါး ရင်ဘတ်တွေ မျက်ရည်သီနေဆဲပါပဲ. . . . . . ခြယ်စရာ ကုန်နေတဲ့ ပန်းချီကားတစ်ချပ်ကို ငါ့မျက်ရည်တွေ သွန်မှောက်ပြီး ငါနှလုံးသားနဲ့ ဆက်ရေးနေဦးမှာပါ . . . . ချစ်သူ မျက်နှာသည် ငါ့အိပ်မက် ဖြစ်ခဲ့ဖူးသည် . . . ချစ်သူ့လက်သည် ငါ့ ခွန်အားဖြစ်ခဲ့ဖူးသည် . . . ချစ်သူ့ အသံသည် ငါ့ မနက်ခင်းတေးသံသာ ဖြစ်ခဲ့ဖူးသည် . . . . ငါ အခါခါပျော်ရွင်ရင်း ကဗျာတွေ ရေးခဲ့ဖူးသည် . . . အခုတော့ ငါ့ရင်ဘတ် အိပ်ကပ်ထဲမှာ ခေါက်ရိုးကျိုးနေတဲ့ အလွမ်းကဗျာတစ်ပုဒ်နဲ့ပဲ သေသေသပ်သပ်လေး မင်းကို လွမ်းနေခဲ့သည် ။ ဆောင်းမနက်ခင်း မြူကြွေသံကိုတောင် ငါ့နားထဲ မင်းအသံနဲ့ မှားနေခဲ့ဖူးသည် . . . ဒီလိုနဲ့ ငါ့စိတ်တွေ မင်းကို မေ့ဖို့ ကြိုးစာရင်းနဲ့ အလွမ်းတွေ အထပ်ထပ် ရွာချခံလိုက်ရတယ် . . . မင်း ဆံနွယ်ရှည်လေးတွေကို ငါသတိရတယ် . . . မင်းအပြုံးတွေ ငါတမ်းတတယ် . . . . မင်းစကားသံလေးတွေ ငါ လွမ်းဆွတ်တယ် . . . လှပရဲရင့်တဲ့ မင်းရဲ့ မာန်လေးတွေ ငါ့အိမ်မက်ထဲ စီးဆင်းနေဦးမယ် ထင်ပါတယ် . . . ညဘက်တွေကို ငါ တဖြည်းဖြည်း ကြောက်လာသည် . . . ညရောက်ရင် အိပ်မက်တွေ မက်ရဦးမည်လေ ညနေတွေက နေ၀င်စောလွန်းနေသည် . . . . တိမ်တောင်တွေက အိမ်တန်းဝင်တာ မြန်လွန်းနေသည် . . . ရောင်နီကစောစီးစွာ လဲပြိုတော့မည် . . . . ကောင်းကင်က ဖရိုဖရဲ ငါ့ ရင်ဘတ်ကို သူတို့ နှိပ်စက်ကြဦးမည်ပေါ့ . . ချစ်သူ ငါ ပြောခဲ့ချင်သော စကားတစ်ခွန်းရှိ၏. . . The Heart has ears တဲ့ . . . နှလုံးသားမှာ နားတွေ ရှိသတဲ့လေ . . . မင်းမှာ ချစ်တတ်တဲ့ နှလုံးသားရှိခဲ့ရင် ငါ့ရင်ထဲက သစ္စာ စကား မင်းကြားနိုင်မှာပါ . . . . . နှလုံးသား အသံဆိုတာ ဆူးခက်တို့ ကာရံထားလည်း နားထောင်တတ်ရင် ချိုပါတယ် ချစ်သူ . . . . “ ချစ်မိသူဆိုတာ လောကမှာ စစ်အရှုံးဆုံးလူ ” တဲ့ . . . ဒါဆိုရင်တော့ ငါ ကျေကျေနပ်နပ်ကို အရှုံးခံလိုက်မယ် ။ လိုအပ်မယ်ဆိုရင် ငါ့ကိုယ်ငါ သုံ့ပန်းတစ်ယောက်လို မင်းသွားမယ့် လမ်းမှာ ခင်းကျင်း ရဲပါတယ် ။ စစ်သည် တစ်ကျိပ် မသုံးရပဲ ငါ့မြို့ရိုးကို ပြိုပျက်စေခဲ့သူလေးရေ . . . . တကယ်ဆို ငါဟာ စစ်မခင်း ခင်ကတည်းက အပြုံးတစ်ပွင့်အောက်မှာ ဒူးထောက်ကျရှုံးခဲ့ပြီးသားပါကွာ . . . . . .

ဘယ်လို ချစ်ခြင်းမျိုးလည်း အထဲက အရသာက ခါးသတဲ့လား ကျေကျေနပ်နပ်ကို အခါးခံလိုက်တယ် အိပ်မက်တွေ ပက်ကြားအက်လို့ ရင်ဘတ်တွေ တံလျှပ်ထနေခဲ့တယ်

လင်းခေတ်ဒီနို