Blog Day အမှတ်တရ

ကျွန်တော် အခု ၂၀၁၁အတွင်းမှာ ကဗျာရေးတာတွေ စာရေးတာတွေ တော်တော်ကျဲလာပါတယ် ။ အလုပ်မအားတော့တာ တစ်ကြောင်း ၊ မရေးတာကြာတော့ လက်တွေ မသွက်တော့တာ စကားလုံးတွေ ထွက်မကျလာတော့တာ တစ်ကြောင်း နောက်ထပ် တခြားအကြောင်းအရင်းတွေ ကြောင့် ကျွန်တော် စာရေး တော်တော်ကို ကျဲခဲ့ပါတယ် ။ ဒီအတွက် ကျွန်တော် ဘလော့ကို လာလည်တဲ့ သူငယ်ချင်း ညီအကို မောင်နှမတွေကို ကျွန်တော် အရမ်း အားနာမိတယ် ။ အစတုန်းက ကျွန်တော် တစ်ပတ်ကို တစ်ပုဒ်နှုန်းလောက် ကဗျာတွေ ရေးခဲ့ပါတယ် ။ နောက်ပိုင်း ကျွန်တော် ပြည်ပရောက်ပီးတဲ့အခါ အလုပ်မအားတာနဲ့ ကိုယ့်အတွက် နားချိန်နည်းပါးလာတာကြောင့် ကျွန်တော် ဘလော့လေးအတွက် အချိန်ပေးနိုင်မှုကို လျှော့ခဲ့ရပါတယ် ။ ဒီအတွက် ကျွန်တော် ၀မ်းနည်းမိပေမဲ့ ဘ၀ဆိုတာ ဖြတ်ကျော်ဖို့ ကျွန်တော် ဦးစားပေးခဲ့တယ် ။ ဒါပေမဲ့ ကျွန်တော် ဆက်လက်ပြီး ကဗျာတွေ ရေးနေဦးမှာပါ အမြဲ ရေးနိုင်အောင်လည်း ကြိုးစားနေဦးမှာပါ ။ စာရေးကျဲသွားတာလေးကိုတော့ သူငယ်ချင်း ညီအကို မောင်နှမတွေ နားလည် ခွင့်လွှတ်ပေးပါဗျာ ။ ကျွန်တော်ကွန်ပျုတာဆိုတာကို ဆယ်တန်းပြီးခါစ ၂၀၀၀ ခုနှစ်မှာ နယ်ကနေ ရန်ကုန်ပြောင်းလာပြီးမှာ သိကျွမ်းခဲ့တာပါ ။ ရန်ကုန်မှာ KMD တို့လို MCC တို့လို့ ကွန်ပျူတာ သင်တန်းကြီးတွေ ပေါ်နေတာ ကြာပြီ ဆိုပေမဲ့ ကျွန်တော်တို့ လို နယ်က လူငယ်တွေ အဖို့တော့ ကွန်ပျူတာ ဆိုတာ ကြားဖူးရုံ အဆင့်ပဲ ရှိခဲ့ပါတယ် ။ ဒီလိုနဲ့ ကွန်ပျုတာ သင်တန်းတွေကို ဆယ်တန်းပြီးခါစမှာ တက်လိုက်ပါသေးတယ် ။ ဒါပေမဲ့ အွန်လိုင်းဆိုတာကို ကျွန်တော် သေချာမသိခဲ့ပါဘူး ။ အွန်လိုင်း ဆိုတာကို ကျွန်တော် ၂၀၀၆ ခုနှစ် မှ စပြီး သိကျွမ်းဝင်ခဲ့တယ် ။ ၂၀၀၆ ခုနှစ်မှာ အကိုတစ်ယောက်က သူ အင်တာနက်သွားသုံးမယ် မင်းလိုက်ကြည့်ချင်လားဆိုပြီး ခေါ်လို့ ကျွန်တော်လိုက်သွားရာကနေ အွန်လိုင်းဆိုတာကို စတင်ထိတွေ့ခဲ့တယ်ဗျ ။ ဒါတောင် ကျွန်တော် အွန်လိုင်းဆိုတာ ကိုယ်သိတဲ့ ၀ဘ်ဆိုဒ်တွေလောက်ပဲ ကြည့်လိုရတဲ့ဟာလို့ ထင်ခဲ့တယ် ။ ဂိုဂယ်ဆိုတာ ဘာမှန်းမသိဘူး ။ နောက်ပြီးအဲဒီအချိန်တုန်းက အင်တာနက်ဆိုင်ဆိုတာလည်း အလွန်ရှားပါသေးတယ် ။ ကျွန်တော် စသုံးဖြစ်တဲ့ အင်တာနက်ဆိုင်က ဗိုလ်အောင်ကျော်လမ်းကပါ ။ အာလာဒင်ဘေးနားက ကွန်ဒိုတိုက်ခန်းမှာ ဖွင့်ထားတဲ့ softlink ဆိုတဲ့ အင်တာနက်ဆိုင်မှာပါ ။ အဲဒီမှာ ကျွန်တော် စပြီး အွန်လိုင်းကို စသုံး ဖြစ်ခဲ့ပါတယ် ။ ဒါတောင် တစ်နှစ်လောက် ကိုယ်သိတဲ့ ၀ဘ်ဆိုဒ် အခု နှစ်ဆယ်လောက်တင် လိုက်ကြည့်ဖြစ်တယ် Ygn Chat ၀င်တာလောက်ပဲ သိခဲ့တာပါ ။ ဒီကနေ တဆင့်တက်ပြီး ကျွန်တော် ဆိုရှယ်ဝဘ်ဆိုဒ်တွေကို သိလာပါတယ် ။ ကျွန်တော် ပထမဦးဆုံး စတင်ပြီး သိလာတာက www.mysuboo.com ပါ ။ အဲဒီမှာ ၂၀၀၇ အစပိုင်းလောက်ထင်ပါတယ် ကျွန်တော် ဆက်ပိုင် ဆိုတဲ့ နာမည်နဲ့ စာဖတ်သူအဖြစ် စတင်ခဲ့တယ် ။ အဲဒီတုန်းကဆို စုဗူးမှာ မငယ် လူလိန် သူရဿဝါ ၀ိုင် စိုးမိုး ကောင်းကင်ပြာ ပုံ့ပုံ့ ရွှေဘုန်းလူ မောင်စေတန် ကသစ်နွယ် အိုင်ရွန်နီ ကိုဖီဒိုဒီဒို ဆာမူရိုင်း ဘလက်ပိုင်းရစ် ကိုဇေ သူငယ်ချင်းတွေနဲ့ စခင်ဖြစ်ခဲ့ပြီး သိပ်မကြာခင် ၂၀၀၇ နှစ်ဦးပိုင်းမှာပဲ အွန်လိုင်း စာရေးသူ ဘ၀ကို ဆိုရှယ်ဝဘ်ဆိုဒ်မှာပဲ စတင်ခဲ့ပါတယ် ။ ဒါတောင် သူငယ်ချင်း မေသဲ ( အခု ဘလောဂါ ထာဝရကြယ်စင် မိုးခါး ) က အတင်းရေးပါ ဆိုပီး ပြောလို့ ကျွန်တော် စာရေးသူ အဖြစ် စတင်ခဲ့တာပါ ။ အဲဒီနောက်ပိုင်း ကျွန်တော် ဆိုရှယ် ၀ဘ်ဆိုဒ်တွေ ဖြစ်တဲ့ ပလန်းနက် တို့မှာ စာဖတ်သူအဖြစ်ရှိခဲ့ပြီး စာရေးသားမှုကိုတော့ မိုင်စုဗူးတစ်ခုထဲမှာ ပဲ ရေးသားဖြစ်ခဲ့ပါတယ် ။ ဒီလိုနဲ့ ဆိုရှယ်ဆိုဒ်မှာရေးရင် သူရဿဝါတို့ ၀ိုင် တို့နဲ့ ခင်မင်ပြီး ကိုယ်ပိုင်သီးသန့် ၀ဘ်ဆိုဒ်လေး တည်ထောင်ကြဖို့ စတင်ဖြစ်ခဲ့ပါတယ် ။ ဒါနဲ့ ကျွန်တော် ၂၀၀၇ ကုန်လောက်မှာ ဗညားရှိန် ဆိုတဲ့ နာမည်နဲ့ ( www.banyarshein.blogspot.com ) ဘလော့ လောကထဲ ၀င်ရောက်လာခဲ့ပါတယ် ။ ကျွန်တော် ၀င်ရောက်တဲ့အချိန်မှာ ကိုညီလင်းဆက် မပင့် ကိုမောင်လှ ကိုရန်အောင် မဘာညာကွိကွိ မင်းယွန်းသစ် ဖိုးသူတော် ကိုနေဘုန်းလတ် တို့ရဲ့ ဘလော့တွေအပြင် ဘလော်ဂါအချိုရဲ့ ဘလော့တွေကို သိရှိခဲ့ပါတယ် ။ ဒါပေမဲ့ အဲဒီအချိန်ထိ ကဗျာ သီးသန့် ဘလော့တွေကို ကျွန်တော် တွေ့ရှိခဲ့ခြင်းမရှိသေးပါဘူး ။ အဲဒီဘလော့တွေ သိပြီး မကြာခင်မှာပဲ ကိုနေဘုန်းလတ်ရဲ့ သတင်းကို ၀မ်းနည်းစွာ ကြားခဲ့ရပါတယ် ။ ဒါ ကျွန်တော့် ဘလော့ သက်တမ်း အစမှာ ပထမဦးဆုံး စိတ်မကောင်းစရာ သတင်းအဖြစ် ကျွန်တော် ကြုံတွေ့ခဲ့ရတာပါ ။ ဒီလိုပဲ ၂၀၀၇ ၊ ၂၀၀၈ နှစ်ပိုင်းတွေမှာ ကျွန်တော့် ဘလော့ကို ကဗျာသီးသန့်ဆိုဒ်အဖြစ် ကျွန်တော်ရေးသားခဲ့ပါတယ် ။ အဲဒီကြားထဲ ၂၀၀၈ ကုန်လောက်မှာ ning social site တွေ ပေါ်လာတော့ ကျွန်တော် မြက်ခင်းသစ်ဆိုတဲ့ ( www.myatkhinnthit.ning.com ) ဆိုရှယ်ဆိုဒ်လေးကို တည်ထောင် ဖြစ်ခဲ့ပါသေးတယ် ။ ကျွန်တော် မြက်ခင်းသစ်ဆိုဒ်ကို စတင်လုပ်တဲ့အချိန် တပြိုင်တည်းမှာပဲ ning ဆိုဒ်တွေအဖြစ် toilet wall ၊ ချော့ကလက်မြို့တော် ၊ ဗရုတ်သုက္ခမြို့တော် စတဲ့ဆိုဒ်တွေပေါ်လာခဲ့ကြတယ် ။ တွိင်းလက်ဝေါကိုတော့ စုဗူးက ရွှေဘုန်းလူက အက်မင် အဖြစ်လုပ်ခဲ့ပြီး ၊ ချော့ကလက်မြို့တော်ကိုတော့ ထိုင်ဝမ်းက မြို့စားလေးက လုပ်ပါတယ် ။ ဗရုတ်သုက္ခမြို့တော်ကို သူရဿဝါက လုပ်ခဲ့ပါတယ် ။ နောက်ပြီး တခြားဆိုရှယ်ဆိုဒ်တွေလည်း ရှိခဲ့ပါတယ် ။ ကျွန်တော် မြက်ခင်းသစ် ဆိုရှယ်ဆိုဒ်မှာရော ကိုယ်ပိုင် ဘလော့မှာရော စာရေးနိုင်အောင် လုပ်ခဲ့ပါတယ် ။ မြက်ခင်းသစ်ဆိုဒ်လေးကို လုပ်တဲ့အခါမှာလည်း တော်တော် အားရခဲ့တယ် ။ ကျွန်တော် လိုချင်တဲ့ စာပေသီးသန့်ဆိုဒ်အဖြစ် လုပ်နိုင်ခဲ့ပါတယ် ။ စာရေးသူ တော်တော်များများကလည်း ရသစာပေကိုအဓိကရေးသားပေးခဲ့ကြတဲ့အတွက် ရသစာပေဆိုဒ်အဖြစ် ရှိခဲ့ပါတယ် ။ ၂၀၀၈ နောက်ပိုင်း ၂၀၀၉ နှစ်ဦးပိုင်းတွေမှာ မြက်ခင်းသစ် ကဗျာရွှတ်ပွဲတွေကို အင်းယားကန် ဘေးက စိမ်းလန်းစိုပြေမှာ နှစ်လ တစ်ခါလောက် လုပ်ခဲ့ပါတယ် ။ အဲဒီမှာ ကိုမင်းယွန်းသစ် ကိုမိုးလှိုင်ည ကိုညီလင်းဆက် သူရဿဝါ ၀ိုင် စိုးမိုး ရုပ်သေး သိုးမဲ အနှိုင်းမဲ့ ရိုးရာ တေလေ လင်းရမ္မာ ကိုစိုးဇေယျာထွန်း ဖိုးသူတော် ၊ သောတ ဇာတိ ၊ ညီမအရင်းလို ဖြစ်နေတဲ့ ပျိုခေတ် စတဲ့ ဘလောဂါတွေနဲ့ ကျွန်တော်လုပ်ခဲ့ပါတယ် ။ ဒါက ဆိုရှယ်ဆိုဒ်ပိုင်းမှာ ကျွန်တော်လုပ်ဖြစ်ခဲ့တာတွေပါ ။ ဘလော့ဘက်ပိုင်းမှာတော့ ကျွန်တော် စတင်ပြီး ခင်မင်ခဲ့တာက ၂၀၀၈ နှောင်းပိုင်းမှာ ထင်ပါတယ် ကျွန်တော့် အမရင်းလို ဖြစ်ခဲ့တဲ့ ဆုံနိုင်ခွင့်(မေလေး) ၊ ကိုပီတာ ၊ လရောင်လမ်း(တေဇာ) ၊ ကိုရီနိုမာန် ၊ တောင်ပေါ်သား ၊ ချမ်းလင်းနေ ၊ ဆောင်ချမ်းမိုး ၊ ကိုမြစ်ကျိုးအင်း ၊ ဆောင်းနှင်းရွက် ၊ ပန်ဒိုရာ ၊ တလနွန်း ၊ မဗေဒါ ၊ ကိုရင်နော်ခင်းလေးငယ် ၊ ကိုလင်းဒီပ ၊ ကိုဆောင်းယွန်းလ ၊ မသက်ဝေ ၊ ကိုအောင်သာငယ် ၊ ကိုမင်းဒင် စတဲ့ ဘလောဂါတွေကို သိခဲ့ပါတယ် ။ အဲဒီအချိန်မှာ ကျွန်တော်ဘလော့ဆိုတာကို လသားအရွယ် စရေးခါစ ဆိုတော့ အကုန်လိုက်သင်ရပါတယ် ။ နည်းပညာဆို ကိုရန်အောင်ဆီမှာ သွားကြည့်ရပါတယ် ။ ကဗျာဆိုတာကိုတော့ ကိုဆောင်းယွန်းလ ကိုလင်းဒီပ တို့ ဆီမှာသွားဖတ်ရပါတယ် ။ နောက်ပီး ဘလော့ တော်တော်များများ ကျန်ပါသေးတယ် ။ ကျွန်တော် အကုန်မမှတ်မိတော့ပါဘူး ။ ဒီလိုနဲ့ ၂၀၁၀ နှစ်ဦးပိုင်းရောက်တော့ ကျွန်တော့် ကိုယ်ရေးကိုယ်တာ ပြဿနာ တချို့ကြောင့် ကျွန်တော့် အီးမေး banyarshein@gmail.com ကို ဖျက်လိုက်တာမှ တဆင့် ကျွန်တော့် ဘလော့ www.banyarshein.net ရော ကျွန်တော်ရဲ့ ဆိုရှယ်ဆိုဒ် မြက်ခင်းသစ်ရောကို ကျွန်တော် လက်လွှတ်ဆုံးရှုံးခဲ့ရပါတယ် ။ ဘလော့ရော ဆိုရှယ်ဆိုဒ်ရောပါ ကျွန်တော့် အီးမေးကိုဖျက်လိုက်တဲ့အတွက် ကျွန်တော် ၀င်ရောက်လို့မရတော့ပါဘူး ။ အဲဒီအချိန် ကျွန်တော့် စိတ်မြန်မှုရဲ့ သင်ခန်းစာ တစ်ခုကို ကျွန်တော်ရခဲ့ပါတယ် ။ ကဗျာတွေ တော်တော်များများ ဆုံးရှုံးခဲ့ရပါတယ် ။ ဒီလိုနဲ့ ၂၀၁၀ ဖေဖော်ဝါရီလောက်မှပဲ www.lynnkhitdeno.blogspot.com ကို ကျွန်တော် ပြန်လုပ်ဖြစ်ခဲ့ပါတယ် ။ ကဗျာတွေကို စုဗူးကရော ဖေ့ဘွတ်ကရော မြက်ခင်းသစ်ဆိုဒ်ကရော ကျွန်တော် ပြန်ယူခဲ့ပေမဲ့ ဘလော့ကလုံးဝ ပြန်ဖွင့်လို့မရတော့လို့ ဗျာတော်တော်များများ ဆုံးရှူံးခဲ့ရပါတယ် ။ အပုဒ်ရေ ၃၀ ကျော် ၄၀ လောက် ကျွန်တော်လက်လွှတ်ဆုံးရှုံးခဲ့ရပါတယ် ။ ကျွန်တော် ကဗျာ တစ်ပုဒ်ကိုတောင် အရမ်းမြတ်နိုးတတ်သူမို့ အပုဒ် ၃၀ ၄၀ ဆိုတာ ကျွန်တော့်အတွက် အရမ်းကို ထိခိုက်ရပါတယ် ။ အဲဒီ ကတည်းကစပြီး ကျွန်တော်နောင်တ နဲ့အတူ မတည်ငြိမ်သေးတဲ့ ပေါက်ကွဲလွယ်တဲ့ ကိုယ့်ကိုယ်ကို ပြင်ခဲ့ပါတယ် ။ စိတ်လိုက်မာန်ပါ လုပ်တတ်တဲ့ အကျင့်ကို ကျွန်တော် ဖျောက်ခဲ့ပါတယ် ။ သင်ခန်းစာ တခု ကောင်းကောင်း ရခဲ့တယ် ဆိုပါတော့ဗျာ ။ အဲဒီနောက်ပိုင်း ကျနော် ဘလော့တော်တော်များများကို သိခဲ့ပေမဲ့ ကျွန်တော့်မှာ အကျင့်တစ်ခုရှိခဲ့တယ်ဗျ ။ အဲဒါက ကျွန်တောာ် အက်ဆေးကို ဖတ်ရတာထက် ကဗျာ ဖတ်ရတာကို ပိုသန်တယ်ဗျ ။ အက်ဆေးတစ်ပုဒ် ဘယ်လောက်ကောင်းနေပါစေ အချိန်ရမှပဲ ကျွန်တော် ဖတ်ဖြစ်တယ် ။ ကဗျာတစ်ပုဒ် ဘယ်လောက်ပဲ ညံ့ပါစေဆိုဆို အိပ်နေရာက ထဖတ်ခိုင်းလည်း ကျွန်တော် ထဖတ်တယ်ဗျ ။ ကဗျာကို ကျွန်တော် အဲလို အရူးအမူး စွဲလမ်းပါတယ် နှစ်သက်ပါတယ် မြတ်နိုးပါတယ် ။ ဒါကြောင့် ကျွန်တော် ဘလော့သွားလည်ရင် ကဗျာ ဘလော့တွေသာ သွားအလည်များပြီး ကျန်တဲ့ ဘလော့တွေကို သွားလည်ပတ်တာ နည်းခဲ့ပါတယ် ။ ဒါပေမဲ တခါတရံတော့ ရသဘလော့တွေကို လိုက်ဖတ်ဖြစ်ပါတယ် ။ ၂၀၁၀ အတွင်းမှာတော့ ကျွန်တော် ဘလော့တော်တော်များများနဲ့ သိကျွမ်းခင်မင်ခဲ့ပါတယ် ။ ကဗျာဘလော့တွေ ဖြစ်တဲ့ ကိုမိုးစက်အိမ် ကိုနွေသစ် ကိုညိမ်းညို ညီအကိုအရင်းလိုဖြစ်ခဲ့တဲ့ ကဗျာသောက်ဖော်သောက်ဖက် ကိုညလင်းအိမ် ( တခါတရံလည်း ကဗျာအမူးလွန်ပြီး ကဗျာတွေ ရင်ဘတ်ထဲက ပြန်အံကျလာတာလည်း ရှိတယ်ဗျ ) ၊ မှုးဒါရီ ၊ ဂျွန်မိုးအိမ် ၊ နွေးနွေးသဲမွန် ( ညီမ မိနွေးကတော့ စုဗူးမှာတည်းကသိခဲ့တာပါ ) ၊ သွယ်လင်းဆက် ၊ လမ်းအိုလေး ၊ ကျော်ညိုသွေး (ကိုဂစ်တာ) ၊ ကိုရင်ညိန်း ကိုချိရွန် ၊ ကိုလင်းသစ်ဏီ ၊ ကိုနွေညို မောင်လုလင် ၊ မောင်ခင်လေး ၊ ဘသားချော ၊ ကိုဖြိုးငယ် ၊ ကိုသားကြီး ၊ အိမ်မက်ခြေရာ ၊ ညီမငယ် ဇော် ( ကျွန်တော်တို့အိမ် ) ၊ မနုငယ် ၊ ဇူးငယ် ရင်မှမိုးစက်ပွင့်များ ၊ စတဲ့ ဘလော်ဂါ ကဗျာဆရာတွေနဲ့ ခင်ခဲ့ပါတယ် ။ နောက်ပြီး ရသအရေးအသားပိုင်းမှာ ဆိုရင် အကိုလိုခင်တဲ့ ကိုဏီးလို့ ကျွန်တော်တို့ ခေါ်တတ်တဲ့ ကိုဏီလင်းညို (အခုတော့ အငြိမ်းစား ယူထားတယ်လို့တော့ ပြောရမယ်ထင်တယ် ) နောက်ပြီး . . အိမ်မက်ဆိပ်ကမ်း ၊ သက်ပိုင်သူ ၊ ခရမ်းပြာကြယ်စင်လှိုင်းခတ်သံ ၊ ခရေတွန် ၊ မချော အစိမ်းရောင်လွင်ပြင် ၊ မောင်ဘကြိုင် ၊ ကိုကြီးကျောက် ၊ ဆိုဒ်ပရပ် နတ်သမီး ၊ နှင်းနဲ့မာယာ ၊ ကိုကိုမောင် ပန်းရနံ့ ၊ ကိုဇော် ၊ မမကွန် ( KOM ) ၊ ကဗျာရေးရင်း ကွန်မန့်ကို ထိပ်ဆုံးက ပေးတတ်သလို ကဗျာတိုင်းလိုလိုကို အားပေးတတ်တဲ့သူ စနောက်ရင် စိတ်မဆိုးတဲ့ အမ မမိုးငွေ့ ၊ ညခင်းရဲ့လမင်း ၊ ဆောင်းနှင်းရွက် အမရွှေစင်ဦး ၊ မဒါလို့ ကျနော်ခေါ်တဲ့ သဒ္ဒါလှိုင်း ၊ နောက်ပီး သူငယ်ချင်း အရင်းလိုခင်ခဲ့ကြတဲ့ ယွန်း ၊ ဂျင်းမလို့ကျနော်တို့ ခေါ်တဲ့ အင်ကြင်းသန့် ၊ မြတ်မွန် ၊ ဒါ့အပြင် အမရွှေပြည်သူ ၊ ချိုကိုသဇင် ၊ ခိုင်နုငယ် ၊ မရို့စ် တို့အပြင် နောက်ထပ် မေ့နေတဲ့ နာမည်တွေ အများကြီးကျန်ပါသေးတယ် ။ ၂၀၁၀ အကုန်ပိုင်းနဲ့ ၂၀၁၁ တွေမှာတော့ ကျွန်တော် ဘလော့ဖတ်တွေသာ ဖတ်ဖြစ်ပေမဲ့ မခင်သေးတဲ့သူငယ်ချင်းများဖြစ်တဲ့ ကျွန်တော့်ဘ၀ ဇာတ်ခုံ မောင်မျိုး ၊ နောက်ပြီး ကျွန်တော့်ကို ( ဗညားရှိန် လင်းခေတ်ဒီနို ဆက်ပိုင် ) ဆိုပီး ကလောင်သုံးမျိုးနဲ့ ရေးလို့ သုံးမည်ရ ရွှေကိုယ်တော်လို့ ခေါ်တဲ့ အမအရင်းလို ခင်ခဲ့တဲ့ စကားပြော နူးညံ့လွန်းတဲ့ တပြည်သူ မရွှေထား . . အဲး)း) တပြည်သူ မလေး ( အိမ့်ချမ်းမြေ့ ) ၊ စာရေးကောင်းတဲ့ ညီမငယ် မိလှိုင် ( အိန်ဂျယ်လှိုင် ) ၊ ကျွန်တော့်ကဗျာတွေကို နှစ်သက်တဲ့ ဂျက်စမင် ( တောင်ကြီး ) ၊ မိုးပန်ချီ ၊ နိုဘယ်မိုး ၊ ညီသူအိမ် ၊ နတ်ဆိုးလေး ၊ မွန်းသက်ပန် ၊ ရံအင်္လကာ ၊ မက်မက် ၊ ခင်မောင်ချင် ၊ သိင်္ဂါကျော် ၊ သိင်္ဂါရ ၊ မနောဖြူ ၊ မသစ် ၊ မပိုး ၊ မဗစ်စတာ ၊ ကိုအောင် ပျုနိုင်ငံ ၊ ဘလက်ရို့စ် ၊ မြသွေးနီ ၊ မဒမ်ကိုး ၊ သတိုး ၊ ကိုသက်ထွေး ၊ အမရာ ၊ ညီဇံလှ ၊ စတဲံ ဘလော်ဂါတွေ တော်တော်များများနဲ့ ခင်မင်ခဲ့ပါတယ် ။ ကျန်ခဲ့တဲ့ သူငယ်ချင်းများလည်းရှိပါသေးတယ် ၊ အဲဒီအတွက် ကျွန်တော်မေ့လျှော့ပြီး ကျန်ခဲ့တဲ့ သူများရှိရင် ကျွန်တော့်ကို ခွင့်လွှတ်ပေးပါ ။ နောက်ပိုင်းလည်း ကျွန်တော် စာရေးကျဲနေပါဦးမယ် ။ ၇ ရက် တစ်ပတ် ပိတ်ရက်မရှိ လုပ်နေတဲ့ အလုပ်မအားတဲ့ ကြားကနေ ကျွန်တော် တတ်နိုင်သမျှ ကျွန်တော် ကဗျာတွေရေးဖွဲ့နေဦးမှာပါ လို့ ပြောရင်း ကျွန်တော်ကို ခင်မင်စွာ တဂ် တဲ့ ညီမငယ် မိလှိုင်နဲ့ သူငယ်ချင်း ဂျက်စမင် တောင်ကြီး တို့ ကျေနပ်မယ်လို့ မျှော်လင့်ပါတယ် ။ ခင်မင်စွာဖြင့် ဗညားရှိန်

Ayarwaddy . . . . " Not For Sale "

တစိမ့်စိမ့် စီးဆင်းနေတဲ့ မေခရဲ့ အလှ တသွယ်သွယ် စီးဆင်းနေတဲ့ မလိခရဲ့ အလှ မြစ်ဆုံဟာ သူတို့ရဲ့ ရင်ခွင်လား ဧရာဝတီဟာ သူတို့ရဲ့ ရင်ခွင်လား မနောတိုင်ဟာ ကချင်ပြည်နယ်နဲ့ သင်္ကေတ ဆိုရင် မြစ်ဆုံဟာ မေခ မလိခရဲ့ သင်္ကေတ ဧရာဝတီရဲ့ နိဒါန်း ဧရာဝတီဟာ သူတို့တွေရဲ့ အိပ်မက်ရင်ခုန်သံ ဧရာဝတီဟာ သူတို့တွေရဲ့ အနာဂတ် ဧရာဝတီဟာ သူတို့တွေရဲ့ မျှော်လင့်ခြင်း သူတို့တွေဟာ ဧရာဝတီရဲ့ ရင်ခွင်မှာပဲ ထာဝရစီးဆင်းကြတယ် ဧရာဝတီကို . . . သူတို့ နှလုံးအိမ်ထဲကနေ . . . . . . . . .ဆွဲထုတ် မသွားကြပါနဲ့ . . . ။ ခုန်ပျံတက်လာတယ် ပြန်ခုန်ဆင်းသွားတယ် အတက်အကျ လှိုင်းတွေရဲ့ရာဇ၀င်မှာ ဒီရေ ဒီမြေဟာ သူတို့ရဲ့ ဘူမိနက်သန် သူတို့ဟာ ဧရာဝတီရဲ့ နတ်သမီးပျိုတွေ သူတို့ဟာ ဧရာဝတီရဲ့ ကကြိုး ကချေသည်တွေ သူတို့ဟာ ဧရာဝတီရဲ့ မော်ကွန်းဝင် ရတနာတွေ သူတို့ဟာ ဧရာဝတီရဲ့ အဖိုးတန်ရှားပါး လင်းပိုင်တွေ ဧရာဝတီလင်းပိုင်ဟာ ဧရာဝတီရဲ့ ရင်ခွင်မှာပဲ ရှင်သန်တယ် ဧရာဝတီလင်းပိုင်ဟာ ဧရာဝတီရဲ့ အိပ်မက်နဲ့ပဲ စီးမျောတယ် ဧရာဝတီလင်းပိုင်ဟာ ဧရာဝတီရဲ့ သွေးနဲ့ပဲ ရဲရင့်ကြတယ် ဧရာဝတီလင်းပိုင်းဟာ ဧရာဝတီရဲ့ ခြေရင်းမှာပဲ ထာဝရအိပ်စက်ကြတယ် ဧရာဝတီကို . . . သူတို့ နှလုံးအိမ်ထဲကနေ . . . . . . . . ဆွဲထုတ် မသွားကြပါနဲ့ . . . ။ ဥသြဟာ ဧရာဝတီရဲ့ နေညိုချိန်ကို လွမ်းတယ် ဥသြဟာ ဧရာဝတီရဲ့ ပုစွန်ဆီရောင်ညနေခင်းကို တမ်းတတယ် ဥသြဟာ ကြက်ခွပ်လှိုင်းခတ်နဲ့ ဧရာဝတီရဲ့ အလှကို ကျုးရင့်တယ် ကွန်ပစ်တဲ့ တံငါလှေတွေဟာ ဧရာဝတီရဲ့ ဆည်းလည်းတွေလား မင်းကွန်းတောင်းတန်းကြီးနဲ့ ပုထိုးတော်တွေဟာ ဧရာဝတီရဲ့ နောက်ခံပန်ချီကားလား တရွေ့ရွေ့မျောလာနေတဲ့ ၀ါးဖောင်တွေက ဧရာဝတီရဲ့ အမှတ်သညာလား ဧရာဝတီဆိုတာ အညာဒေသလေးရဲ့ အိုအေစစ်လေးပါ ဧရာဝတီဟာ ကျုပ်တို့ရဲ့ ဟင်လေးအိုးကြီး ဧရာဝတီဟာ ကျုပ်တို့ရဲ့ ဒဏ္ဍာရီ ဧရာဝတီဟာ ကျုပ်တို့ရဲ့ နှလုံးသည်းပွတ် ဧရာဝတီကို . . . . ကျုပ်တို့ နှလုံးအိမ်ထဲကနေ . . . . . . . . . ဆွဲထုတ် မသွားကြပါနဲ့ . . . ။ ချစ်သော ဧရာဝတီ . . . ဧရာဝတီဟာ မြန်မာပြည်ကြီးရဲ့ အလှတစ်ပါး ဧရာဝတီဟာ ညောင်ဦးကမ်းပါးရဲ့ အလှတရား ဧရာဝတီဟာ ပုဂံပြည်ရဲ့ အလှတရား ဧရာဝတီဟာ စစ်ကိုင်းတိုင်းရဲ့ အလှတရား ဧရာဝတီဟာ ဂေါဝိန်ဆိပ်ကမ်းရဲ့ အလှတရား ဧရာဝတီဟာ ပြည်မြို့ရဲ့ အလှတရား ဧရာဝတီဟာ ကျုပ်တို့ ရင်ထဲက အလှတရား ဧရာဝတီဟာ ကျုပ်တို့ ရင်ထဲက သစ္စာတရား ဧရာဝတီဟာ ကျုပ်တို့ ရင်ထဲက ထာဝရအိပ်မက် ဧရာဝတီကို . . . ကျုပ်တို့ နှလုံးအိမ်ထဲကနေ . . . . . . . ဆွဲထုတ် မသွားကြပါနဲ့ ။ သိဒ္ဓတ္ထလှိုင်ရဲ့ “ ရာဇ၀င်များရဲ့ သတို့သမီး ”်ကျုပ်တို့ရဲ့ ဧရာဝတီ . . . . သူရဲ့ ရင်ခွင်မှာ ကျုပ်တို့ရဲ့မြင့်မြတ်တဲ့ သမိုင်းတွေရှိတယ် သူရဲ့ ရင်ခွင်မှာ ကျုပ်တို့ရဲ့ ရဲရင့်တဲ့ ရာဇ၀င်တွေ ရှိတယ် ဧရာဝတီဟာ သမိုင်းချိုးကွေ့ရောက်တိုင်း ကျုပ်တို့အတွက် အမှတ်တရတွေ မော်ကွန်းတင်ခဲ့တယ် ဧရာဝတီကို ကျုပ်တို့ အဆုံးအရှုံးမခံနိင်ဘူး ဧရာဝတီကို ကျုပ်တို့ သေဆုံးမခံနိင်ဘူး ဧရာဝတီကို ကျုပ်တို့ ပျောက်ဆုံး မခံနိင်ဘူး ဧရာဝတီကို ဘယ်သူလက်ထဲမှ အပါမခံနိုင်ဘူး . . . . ဧရာဝတီသည် . . . . . . “ ရောင်း ရန် မ ဟုတ် ” . . . . . လင်းခေတ်ဒီနို ( 23.8.11 , 1း00 PM )