ညနေ

ညနေတစ်ခုရဲ တံစကမြိတ်မှာ မျက်ရည်တွေ တွဲခိုနေတုန်းပဲ ။ မိုးထဲ ရေထဲ ကပိုကရို ညွှတ်ကိုင်းလာတဲ့ ထီးကလေး မျက်နှာပြင်ကို ရိုက်ခတ်နေတဲ့ မိုးစက်လေးတွေရဲ့ တေးသွား လေပြေအဝှေ့မှာ လွှင့်မျောသွားတဲ့ ဆံနွယ် ကျွန်တော့်ကို လှုပ်မရအောင် ရစ်ပတ်ဖူးတဲ့နွယ် ကျွန်တော့်ကိုေ၀၀ါးခြင်းတွေထဲ လမ်းပျောက်စေခဲ့တဲ့ တေးသွား ကျွန်တော့်ကို နေရိပ်တွေ ခဏခဏ နမ်းမှာစိုးလို့ ညွှတ်ကိုင်းလာခဲ့ဖူးတဲ့ ထီးကလေး ။ နောက်ဆုံးတော့ သူ့နွယ် သူဖြတ် ၊ သူ့တေးသွား သူ တိကနဲ့ ရပ်ပြီး ကျွန်တော့်ကို နေမင်းရဲ့ ကျောရိုးတည့်တည့်မှာ ထားခဲ့တယ် ။ ညနေခင်းဟာ ခမ်းနားမှုတွေပျောက်ဆုံးနေသော မာယာမရှိတဲ့ မျက်ရည်ပန်း ၀င်သက် ထွက်သက်ဟာ ချောက်ကမ်းပါးထိပ်မှာ တေ့တေ့လေး တင်နေတဲ့ သစ်ရွက်တစ်ရွက်လို လေတစ်ချက်အပင့်မှာ သူ့ မနက်ဖြန်ဟာ စုန်းစုန်းမြုပ်သွားနိုင်တယ် ။ သူမကို မလွမ်းပါဘူးလို့ ပြောရင် ကျွန်တော့် ကဗျာတွေ ကျွန်တော့်ကို သူစိမ်းဆန်ကုန်လိမ့်မယ် ။ ဘာမှ မကျန်တော့တဲ့ ကံကြမ္မာ အတုကြီးနဲ့ အသက်၀၀ရှုဖို့ ပြတင်းပေါက်အသေကို ဂျက်ဖြုတ်ချလိုက်တယ် ။ Platonic Love ဆိုတာ ဓာတ်ရှင်မင်းသမီး တစ်ယောက်ကို မော်ဒယ် ခေတ်မှာ Catwalk လျှောက်ခိုင်းသလိုပဲ လူရာ မ၀င်တော့ဘူး ။ ညနေဟာ နပိုလီယံ မုန်းတဲ့ အရှုံး ငေးကြည့်မိတဲ့ နေ၀င်ချိန်ဟာ အလွမ်းတွေ တံစက်မြိတ်ကနေ ငိုနေတဲ့ အချိန်ပေါ့ ။ ငှက်ဆိုတာ နားခိုပြီးရင် အချိန်တန်တော့ သူ့အိမ် သူပြန်တာပဲလေ ။ သူမဟာ ကျွန်တော့်ရဲ့ စိတ်ကောက်တတ်တဲ့ နှင်းဆီ သူမဟာ ကျွန်တော့်ကို အိပ်မက်ထဲက ပေးမထွက်တဲ့ ဒီဇင်ဘာကဗျာ သူမဟာ ကျွန်တော့်ကို ရုပ်သေးရုပ်တစ်ရုပ်လို အသုံးတော်ခံခိုင်းခဲ့တဲ့ ကဝေပျို သူမဟာ ကျွန်တော့်ကို ထားရစ်ခဲ့တဲ့ နောက်ဆုံး ရထားတစ်စင်း ကျွန်တော်ဟာ သူမ နှုတ်ဖျားဓားသွားပေါ်မှာ အသက်စင်းပေးထားတဲ့ . . . . . . . . . . . ညနေ . . ။ လင်းခေတ်ဒီနို ( 31.8.12 / 9:30 AM ) .