ကောင်းကင်နဲ့ လွန်ဆွဲတဲ့ သစ်ရွက်ကြွေ . . . .

“ ကောင်းသော ညနေခင်းလေးဖြစ်ပါစေ ” ကောင်းကင်ဖြူလေးက နှုတ်ဆက်တော့ ကိုယ့် အလွမ်းမြို့လေးတောင် နေမ၀င်ပဲ ညနက်ခဲ့ရပြီး ။ ကောင်းကင်ရနံ့ကို မျှော်လင့်ခဲ့တဲ့ သစ်ရွက်ကြွေပါ ဘ၀က သူ့လက်ခုပ်ထဲမှာပဲ ။ ဆော့ကစားပြီး ခပ်ဖွဖွလေး မှုတ်ထုတ်ခံလိုက်ရတယ် . . . . . . . . . . အမှုန်အမွှားကောင်ပဲလေ သူနဲ့ ဝေးရာ မြေပြင်ပေါ်ကို တိုးတိတ်စွာ လဲလျှောင်းခဲ့ရပေါ့ ။ အိပ်မက်တွေတောင် အနုသုခုမ မဆန်နိုင်တော့ဘူး မိုးမလုံ လေမလုံ ရင်ဘတ်နဲ့ ( ဒီ ) အလွမ်းဇာတ်ရုံကြီးထဲမှာ ကံကြမ္မာက ဗျတ္တလို ပန်းဆက်ခိုင်းဦးမှာလား ။ ခရေညိုလေးရေ ကိုယ် တိတ်ဆိတ်စွာ ကျေနပ်လိုက်ပါတယ် ။ ( ဒီလိုနဲ့ပဲ ) သူရယ် ကိုယ်ရယ် မတူတဲ့ ညတွေထဲမှာ အတ္တကိုယ်စီတွေ လင်းပွင့်ခဲ့ကြတယ် ။ ဝေးသွား . . . တဖြည်းဖြည်း ဝေးသွားပေါ့ . . . သူမရှိတဲ့ ညနေခင်းတွေထဲမှာ ကိုယ်ရယ် ကဗျာရယ် စကားလုံးမျက်ရည်တွေ ၀ဲလို့ သည်းလို့ပါပဲ ။ ကိုယ်ဟာ ကောင်းကင်းကိုမှ လွန်ဆွဲမိတဲ့ ............... " သစ် ရွက် ကြွေ " ............... လင်းခေတ်ဒီနို ( 28.10.11 ၊ 103း0 AM )

စိုးထိတ်ပါသည် ဧရာဝတီ

ကျွန်တော် ဧရာဝတီ မြစ်ဆုံအတွက် ပြောချင်တာ အများကြီးရှိပါတယ် ။ ဒါပေမဲ့ ဒီကနေ့ ၂၃ ရက်နေ့အတွက် ဘလော်ဂါ တော်တော်များများ တင်ထားကြပြီး ဖြစ်တဲ့ ဧရာဝတီအတွက် ပို့စ်တွေကို လိုက်ဖတ်ဖြစ်တော့ ကိုယ်ပြောချင်တာ တော်တော်များများကို သူတို့တွေ ပြောထားကြပြီး ဖြစ်နေတယ် ။ ဒါနဲ့အခု ၂၃ ရက်နေ့ နေ့လည်ထိတိုင်အောင် ကျွန်တော် ဘာရေးရမှန်းကိုမသိခဲ့ဘူး ။ ဒါကြောင့် သူတို့နဲ့ မတူပဲကျန်ခဲ့တဲ့ အချက် အလက်တွေကိုပဲ ကျွန်တော် ရေးသင့်ရေးထိုက်လေးတွေ အဖြစ် စိတ်ထဲ ရှိတာလေးတွေလောက်ပဲ ကျွန်တော် ရေးလိုက်ပါမယ် ။ ပထမဦးဆုံး ဧရာဝတီ မြစ်ဆုံဆည် ကန့်ကွက်ရေးအတွက် ရေးမယ်ဆိုရင် ကိုယ်ဘာလို့ ကန့်ကွက်တာလဲ ဘာကြောင့် ကန့်ကွက်တာလဲ ဆိုတာလေးတော့ ကိုယ့်ကိုယ်ကိုယ် အရင်သိသင့်တယ်လို့ ထင်ပါတယ် ။ ဗိုလ်ချုပ်အောင်ဆန်းပြောသလိုပါပဲ အများယောင်လို့ လိုက်ယောင် အမောင်တောင်မှန်း မြောက်မှန်း မသိရင်တော့ မဖြစ်ချေဘူး ။ ဒါကြောင့် ဘာလို့ကန့်ကွက်ချင်တာလဲ ဘာကြောင့်ကန့်ကွက်ချင်တာလည်း ဆိုတဲ့နေရာမှာတော့ ကိုယ် ကန့်ကွက်မည့် ကိစ္စကို သေသေချာချာ လေ့လာ စူးစမ်းပြီးမှ ဘယ်အချက်ကို ဘယ်ကြောင်းအရင်းကို ကျွန်တော်တို့ ကျွန်မတို့ မနှစ်သက်လို့ ကွန့်ကွက်ပါတယ်ဆိုပီး အချက်ကျကျ ထောက်ပြပြီးမှ ကန့်ကွက်သင့်တယ် လို့ထင်ပါတယ် ။ အရာရာတိုင်းမှာ တဖက်တည်းအမြင်နဲ့ ပြောဖို့ မသင့်ဘူးလို့ ကျွန်တော် ထင်တယ် ။ အခု ဧရာဝတီ မြစ်ဆုံဆည် ကိစ္စမှာ အစိုးရဘက်ရော ပြည်သူတွေ ဘက်ကရော နှစ်ဖက်လုံး လိုအပ်ချက်တွေ ရှိနေခဲ့ကြပါတယ် ။ အစိုးရဖက် က မြစ်ဆုံဆည်နဲ့ ပက်သက်တဲ့ တိကျတဲ့ အချက်အလက်တွေ ၊ ခိုင်မာတဲ့ အကျိုးအကြောင်းတွေ ၊ အကျိုးတူ ပူးပေါင်းဆောင်ရွက်မှုမှာ သူ့ဘက် ကိုယ့်ဘက် ရပိုင်ခွင့်တွေ ၊ နောက်ပြီး ဒီ စီမံကိန်းကြောင့် ဖြစ်ပေါ်လာမည့် သဘာဝ ပတ်ဝန်းကျင် ဆိုးရွားလာနိုင်မှု ပမာဏ အခြေအနေ ၊ စသည် စသည့် အချက်အလက်တွေကို ပွင့်ပွင့်လင်းလင်း ထင်သာမြင်သာအောင် နိုင်ငံသားတွေကို ချမပြပဲ ၊ ကြေငြာမှု မရှိပဲ လုပ်ပိုင်ခွင့် အာဏာ ဆိုတာ မျိုးနဲ့ လုပ်နေတာဟာ ဆိုးရွားတဲ့ အချက်ပါပဲ ။ ဒီမိုကရေစီ နိုင်ငံတည်ဆောက်လိုတယ်ဆိုရင်တော့ နိုင်ငံတော် စီမံကိန်းတွေကို ပွင့်လင်း မြင်သာမှုရှိအောင် ပြည်သူတွေကို ချပြဖို့ လိုကို လိုအပ်ပါတယ် ။ လျှိုဝှက်သင့်တာထက် ပိုလျှိုဝှက်ပြီး လုပ်နေတာတွေက ဒီမိုကရေစီ တည်ဆောက်နေတဲ့ နိုင်ငံတစ်နိုင်ငံမှာ မဖြစ်သင့် မရှိသင့်တော့တဲ့ လုပ်ဆောင်ချက်တွေ ဖြစ်တယ် ။ ပြည်သူတွေဘက်ကလည်း မြှောက်ထိုးပေးလို့ သူများအော်လို့ လိုက်အော်နေမယ့် အစား ဖြစ်နေတဲ့ ပြဿနာကို သေချာ လေ့လာရမယ် ။ ပညာရှင်မဟုတ်ပဲ ဟိုယောင်ယောင် ဒီယောင်ယောင် သိသလိုလို တတ်သလိုလို လုပ်သူတွေရဲ့ စကားထက် တကယ်တတ်တဲ့ ပညာရှင်တွေရဲ့ စကားကိုသာ ယုံကြည်သင့်တယ် ။ ဥပမာ မိုးဇလ ပညာရှင် ဦးထွန်းလွင်လို ပညာကို လက်တွေ့ကျကျ အသုံးချနေတဲ သူတွေရဲ့ စကားကို ယုံသင့်သလို ဟိုဝဘ်ဆိုဒ် ဒီဝက်ဆိုဒ်တွေထဲက ဟိုဟာလိုလို ဒီဟာလိုလို ပြောပြီး မိမိနာမည်မဖော်ပြရဲပဲ အမည်မဖော်လိုသူ ပညာရှင်တစ်ဦး ဆိုပြီး ရေးတဲ့ စာတွေကိုတော့ ဖြစ်နိုင်လား မဖြစ်နိုင်ဘူးလား ဆိုတာကိုတော့ သေချာ လေ့လာသင့်တယ် ။ ကျွန်တော့် သဘောအရဆိုရင်တော့ အစိုးရအဖွဲ့ရဲ့ မှန်ကန် စစ်မှန် တိကျတဲ့ တိုင်းထွားချက်တွေကို ပြည်သူတွေကို ပွင့်လင်းမြင်သာအောင် လုပ်ဖို့ တိုက်တွန်းသင့်တယ် အရင်ဆုံး ကြိုးစားသင့်တယ် လို့ထင်တယ် ။ နောက်ပြီး အစိုးရ အဖွဲ့နဲ့ မပက်သက်တဲ့ သဘာဝ ပတ်ဝန်းကျင်ဆိုင်ရာ ပညာရှင်တွေရှိခဲ့မယ်ဆိုရင် ပြည်သူတွေရဲ့ ရှေ့ကို ထွက်ပြီး တကယ် ဖြစ်နိုင်ချေ တိုင်းထွာ ချက်တွေကို ချပြပေးသင့်တယ်လို့ လည်းထင်ပါတယ် ။ နောက်ပြီး ဒီနေရာမှာ တစ်ချက် ပြောချင်ပါသေးတယ် ။ လျှပ်စစ်ဝန်ကြီး ဦးဇော်မင်း ကိစ္စပါ ။ ဦးဇော်မင်း ပြောသွားတဲ့ အထဲမှာ ဈေးကွက်အရ ပိုလို့ ရောင်းစားတာတွေ ၊ တစ်နိုင်ငံလုံး မဂ္ဂါဝပ် ၁၅၀၀ မကုန်တာတွေ ကျွန်တော် ထည့်မပြောတော့ဘူး ။ ဒါတွေက ကလေးတွေတောင် တွေးတတ်လို့ပါ ။ ပြောချင်တာက ဦးဇော်မင်း ပြောသွားတဲ့ အထဲမှာ ဘယ်သူကန့်ကွက် ကန့်ကွက် ဂရုမစိုက်ပဲ ဆက်လုပ်ဆောင်သွားမယ်လို့ ပြောသွားတဲ့ စကားတစ်ခွန်းကိုပါပဲ ။ ကျွန်တော် မေးချင်တာ ၀န်ကြီးပြောသွားတဲ့ အထဲမှာ ဘယ်သူတွေ ကန့်ကွက် ကန့်ကွက်လို့ ပြောလိုက်တယ်ဆိုတော့ ၀န်ကြီးတို့ စီမံကိန်းကို ကန့်ကွက်နေတာ နိုင်ငံခြားတိုင်းတစ်ပါး သားတွေလား ၊ နိုင်ငံခြားပြည်ပ လုပ်ငန်းရှင်တွေလား ၊ နိုင်ငံတော်ကို တော်လှန်ပုန်ကန်နေတဲ့ မြေအောက် သောင်းကျန်းသူတွေလား ။ ဒီစီမံကိန်းကို ကန့်ကွက်နေတာက လက်ရှိအစိုးရ အဖွဲ့ ကို တင်မြှောက်ထားပါတယ်ဆိုတဲ့ ပြည်သူတွေပါ ။ အစိုးရ အဖွဲ့အနေနဲ့ ပြည်သူတွေ တင်မြှောက်လို့ ဒီအစိုးရအဖွဲ့ ဖြစ်လာတာပါလို့ လက်ခံထားတယ်ဆိုရင်တော့ ၊ ပြည်သူတွေ ရဲ့ ဆန္ဒအစစ်အမှန်ကို အစိုးရ အနေနဲ့ ဂရုတစိုက်ရှိကို ရှိရပါမယ် ။ ပြည်သူတွေရဲ့ ဆန္ဒကို ဂရုမစိုက်ဘူး ဆိုရင်တော့ ပြည်သူ တင်မြှောက်ထားတဲ့ အစိုးရ အစစ်အမှန်မှ ဟုတ်ပါရဲ့လား ။ နောက်တစ်ချက် ၀န်ကြီး ဦးဇော်မင်းပြောသွားတာပါပဲ “ ဧရာဝတီ ရောဂါဆန်း “ လို့သုံးနှုန်းသွားပါတယ် ။ ရောဂါ ဆိုတာ မှန်ရင် ကုသနိင်တဲ့ ဆေးနည်းလမ်းတွေ ရှိပါတယ် ။ ၀န်ကြီးပြောသလို မြစ်ဆုံအရေးဟာ ပြည်သူတွေရဲ့ ရောဂါဆန်း ဆိုတာမှန်ရင် ၊ ဘယ်သူကန့်ကွက် ကန့်ကွက် ဆက်လက်လုပ်ဆောင်သွားမယ် ဘယ်သူမှ ဂရုမစိုက်ဘူးဆိုတဲ အာဏာရှင်ဆန်ဆန် နာတာရှည်ရောဂါသည်တွေ ကိုရော နာမည်တပ် အလွန်တော်တဲ့ဝန်ကြီး ဘယ်လို အမည် နာမ တပ်မှာပါလဲ ။ ပြည်သူတွေရဲ့ ရောဂါဆန်းက ပြည်သူကတင်မြှောက်ထားတဲ့ အစိုးရ အဖွဲ့ရဲ့ ပြည်သူ့ဆန္ဒကို ဂရုစိုက်ဖြေရှင်ပေးမှု ပြည်သူ့အပေါ် အလေးထားမှု ပြည်သူ့ တောင်းဆိုမှုကို လိုက်လျှောပေးရုံနဲ့ ပျောက်သွားနိင်ပေမဲ့ ၊ အာဏာရှင်ဆန်ဆန် နာတာရှည်ရောဂါသည်တွေရဲ့ ရောဂါကိုရော ဘယ်လို အမြစ်ပြတ်အောင် ကုနိင်မှာပါလဲ ။ ဒီပုံစံအတိုင်း ငါ့မြင်း ငါစိုင်း စစ်ကိုင်းရောက်ရောက် လုပ်နေမယ်ဆိုရင်တော့ ပြည်သူတွေရဲ့ ရောဂါဆန်းတွေက တစ်ခုမက တစ်ခုပြီး တစ်ခု ဆက် ဖြစ်နေဦးမှာပါပဲ ။ ဒါကြောင့် ဧရာဝတီ မြစ်ဆုံဆည် စီမံကိန်းကို ကျွန်တော် ကန့်ကွက်တဲ့ အကြောင်းအရင်းတွေကတော့ ၁ ။ ။ စီမံကိန်းတည်ဆောက်မည့် တိုင်းထွာချက်တွေ ပွင့်လင်းမြင်သာမှု မရှိခြင်း ၂ ။ ။ ပြည်သူ့တွေရဲ့ ဆန္ဒကို ဂရုစိုက် အရေးတယူ မရှိခြင်း ၃ ။ ။ သဘာဝပတ်ဝန်းကျင် ဆုတ်ယူလာနိုင်မှုကို လစ်လျူးနေခြင်း ၄ ။ ။ စစ်မှန်တိကျတဲ့ အချက်အလက်တွေ ထုတ်ပြန်မှု မရှိခြင်း ၅ ။ ။ ဒေသခံ ပြည်သူတွေအတွက် အကျိုးရရှိနိုင်မှု နည်းခြင်း ကျွန်တော် သိသမျှ ဒီလောက်နဲ့တင် ကန့်ကွက်ဖို့ လုံလောက်နေပြီ ဖြစ်လို့ ကချင်ပြည်နယ် မြစ်ဆုံဆည် စီမံကိန်းကို ကျွန်တော်

ကန့်ကွက်ပါသည်

အမှန်တော့ ကျွန်တော်ပြောချင်တာ ဒီထက်များပါသေးတယ် ။ ဒါပေမဲ့ ဘလော်ဂါ မောင်နှမတွေ ပြောတာတွေမှာ ကျွန်တော်ပြောချင်တာတွေ တော်တော်များများပါနေပြီးသားဆိုတော့ ကျွန်တော်စိတ်ထဲ ရှိတာလေးတွေ အနည်းအကျဉ်းလောက် ကိုပဲ ထည့်ရေးခဲ့တာပါ ။ ကျွန်တော်တို့ ချစ်မြတ်နိုးတဲ့ ဧရာဝတီမြစ်ကြီး အစဉ် တည်တံ့ပါစေလို့ ဆုတောင်ရင်း . . ။ ခင်မင်စွာဖြင့် ဗညားရှိန်

Blogger ဆိုတာ ဘာလဲ . .

ကျွန်တော် ပို့စ်စရေးရေးချင်းပဲ ထပ်ပြီး ပြောပါဦးမယ်ဗျာ ။ ကျွန်တော် စာရေးကျဲနေပါဦးမယ် ။ အခု ကျွန်တော် လုပ်နေတဲ့ အလုပ်က နွေရာသီပိုင်းဆိုတော့ အရမ်းကို အလုပ်များပါတယ် ။ မနက် ၇ နာရီကနေ ည ၆ နာရီထိပါ ။ သောကြာ စနေလို weekend တွေဆိုရင် ည ၈ နာရီလောက်ထိ အလုပ်များပါတယ် ။ တစ်နေကုန် မတ်တပ်ရပ် လုပ်ရတဲ့ အလုပ်မို့လို့ အလုပ်က ပြန်လာပြန်တော့လည်း ပင်ပန်းတဲ့ ဒဏ်နဲ့ရော နောက်ပြီး သုံးလေး နာရီလောက်သာရတဲ့ နည်းလွန်းတဲ့ ကိုယ့်ပါစင်နယ် အချိန် လေးမှာရော လုပ်စရာတွေက များတာမို့ ကျွန်တော် စာရေးနိုင်ဖို့ တော်တော် ကြိုးစားရပါတယ် ။ ဒါကြောင့် ကျွန်တော့် ကို ခင်မင်တဲ့ ညီအကို မောင်နှမတွေ ကျွန်တော်စာရေးကျဲနေတာကို ခွင့်လွှတ်ပေးကြပါဦးလို့ ကျွန်တော် နိဒါန်း အနေနဲ့ ပဏာမ ဦးစွာပြောလိုပါတယ် ။ ပြီးခဲ့တဲ့ ၈ ရက်နေ့က ၉လပိုင်းက ညီငယ် မောင်စွယ်စုံကျမ်း နဲ့ ညီမငယ် မိလှိုင် ( Angelhlaing ) တို့က ကျွန်တော့်ကို . . . “ Blogger ဆိုတာ ဘာလဲ ” . . . ဆိုတဲ့ ခါင်းစဉ်နဲ့ တဂ် ထားခဲ့တဲ့အတွက် ကျွန်တော် သိခဲ့ ၊ ကြားခဲ့ ၊ လေ့လာဖူးခဲ့ သမျှလေးတွေနဲ့ ကျွန်တော်စိတ်ထဲ ထင်မြင်တာလေး တွေကို ရေးသားလိုက်ပါတယ် ။ Blogger ဆိုတာ ၂၀၀၀ ခုနှစ်နောက်ပိုင်းမှ တွင်တွင်ကျယ်ကျယ် အသုံးပြုလာကြတဲ့ ကိုယ့်ဆန္ဒ ၊ ကိုယ့်အနုပညာ ၊ ဘာသာရပ်အကြောင်းအရာ တွေကို လွတ်လပ်စွာ ထုတ်ဖော်ပိုင်ခွင့် ရှိတဲ့ နေရာတစ်ခုရယ်လို့ သတ်မှတ်လာကြတဲ့ နေရာလေးတစ်ခုပါ ။ အနောက်နိုင်ငံတော်တော်များများမှာ ၂၀၀၀ ၀န်းကျင်က blogger ကို တွင်တွင်ကျယ်ကျယ် အသုံးပြုနေကြပေမဲ့ အာရှနိုင်ငံတော်တော်များများမှာတော့ ၄ နှစ် ၅ နှစ်လောက် နောက်ကျပြီးမှ အသုံးပြုခဲ့ကြတယ်လို့ သိဖူးတယ် ။ ဒါက နိုင်ငံတကာ တရားဝင် ထုတ်ပြန်ချက်မဟုတ်ပေမဲ့ ကျွန်တော်ဖတ်ဖူးတာကနေ တဆင့်ပြန်ပြောပြတာမို့ မှန်တယ်လို့ ကျွန်တော် အာမ ခံနိုင်ခြင်းမရှိပါဘူး ။ သေချာတာကတော့ မြန်မာနိုင်ငံမှာ ဘလော့ဆိုတာကို ၂၀၀၄ ၂၀၀၅ မှာ အစပြုခဲ့တာပါ ။ ဒါတွေက အချို့သူတွေ သိပြီးသားဆိုတော့ ကျွန်တော် ရှည်ရှည်ဝေးဝေး ထပ်မပြောနေတော့ဘူး ။ Blog ဆိုတာ ကိုယ့်ရဲ့ အနုပညာ ၊ ဆန္ဒ ၊ ပညာရပ်များကို လွှတ်လပ်စွာ ထုတ်ဖော်ရေးသား ရာနေရာလို့ ဆိုတဲ့ အချက်ကို ကျွန်တော် သဘောတူလက်ခံခဲ့တယ် ။ မြန်မာနိုင်ငံမှာ Blog့ ကို အနုပညာနဲ့ ပက်သက်ပြီး အသုံးပြုမှုနဲ့ စတင်ခဲ့ကြတယ် ။ အဲဒီနောက်ပိုင်းမှ နည်းပညာပိုင်းဆိုင်ရာတွေ ၊ ဘာသာရေးဆိုင်ရာတွေ ၊ နိုင်ငံရေးဆိုင်ရာတွေ နဲ့ ရိုးရာယဉ်ကျေးမှု ဓလေ့ ဆိုင်ရာ ပက်သက်မှုတွေကို အသုံးပြုလာကြတာာပါ ။ နောက်ပြီး Blog ဆိုတာလေး လုပ်လိုက်ရုံနဲ့ ကိုယ့်ကိုယ်ကို blogger ဖြစ်ပြီးလို့ သတ်မှတ်ချင်ကြတာကို ကျွန်တော် လုံးဝ လက်မခံနိုင်ပါဘူး ။ Blogger မှာစည်းကမ်းသတ်မှတ်ချက်တွေ ရှိပါတယ် ။ တရာဝင် ထုတ်ပြန်ထားတာ မဟုတ်ပေမဲ့ နိုင်ငံတကာ Blogger တွေ သတ်မှတ်ခဲ့ကြတဲ့ စည်းကမ်းလေးပါ ။ ပထမဦးဆုံး Blog ရေးတယ်ဆိုတာ ရည်ရွယ်ချက် ရှိရပါမယ် ။ ခင်ဗျား ဘာလုပ်ဖို့ ရေးတာလည်း ၊ ကိုယ့်အနုပညာ ထုတ်ဖော်ချင်လို့လား ၊ ကိုယ့်နည်းပညာ မျှဝေချင်လို့လား ၊ ကိုယ့်အတွေးအခေါ်တွေကို စာဖတ်သူမြင်အောင် ချပြချင်လို့လား၊ ပြည်ပရောက်နေတဲ့ စာဖတ်သူတွေအတွက် ပြည်တွင်းက စာရေးဆရာတွေရဲ့ စာပေတွေကို ပြန်လည်မျှဝေပေးချင်လို့လား ၊ မဟုတ်ရင် ကမ္ဘာပေါ်က ဖြစ်ပျက်နေသမျှ ဗဟုသုတ အထွေထွေကို စာဖတ်သူတွေ မြင်တွေ့နိုင်အောင် လုပ်ပေးချင်လို့လား ရည်ရွယ်ချက် တစ်ခုတော့ ခင်ဗျားတို့ ထားသင့်တယ် ။ ရေးချင်ရာ လျှောက်ရေး ပြောချင်ရာပြော အပျော်သဘော လုပ်ပြီး ရေးနေတဲ့ သူဟာ Blogger မဟုတ်ဘူး ။ Blogging နေတဲ့ စာဖတ်သူ တစ်ဦးလို့ပဲ ကျွန်တော်မြင်တယ် ။ ကိုယ်လုပ်တဲ့ အလုပ်တစ်ခုပေါ်မှာ ရည်ရွယ်ချက် တခုခု ထားတာ Blogger တစ်ယောက်မှာ ရှိသင့်တဲ့ အချက်တစ်ချက်ပါပဲ ။ နောက်တစ်ချက်က Blogger ဆိုတာ ကိုယ်ထုတ်ဖော်ပြောဆိုလိုက်တဲ့ အကြောင်းအရာပေါ်မှာ မှန်သည် မှားသည် ဆိုတာကို လုံးဝ တာဝန်ယူရဲတဲ့သူ ဖြစ်ကို ဖြစ်ရပါမယ် ။ မိမိပြောဆိုရေးသားလိုက်တဲ့ အကြောင်းအရာမှာ စာဖတ်သူအတွက် မှားယွင်းတဲ့ အတွေးခေါ် အယူဆတွေ ဖြစ်သွားခဲ့တဲ့ အပေါ် အလုံးစုံ ၀န်ခံတာဝန်ယူနိင်ရပါမယ် ။ Blog တစ်ခု ရတာနဲ့ လွတ်လပ်ပါပြီးဆိုပီ ပေါက်တတ်ကရ ရေးချင်ရာရေး ၊ ပြောချင်ရာပြော ၊ စာဖတ်သူတွေ ဘယ်လို ယူဆပြီး ဘယ်လို မှားယွင်းတဲ့ လမ်းမှားလျှောက်လျှောက် ငါ့တာဝန်မဟုတ်ဘူး ငါနဲ့မဆိုင်ဘူး ဆိုပြီး နေတဲ့သူဟာ Blogger မဟုတ်ဘူး ။ Blogger ဆိုတာ တာဝန်ကြီးတဲ့သူပါ ။ Blog ရေးတဲ့ Blogger ဆိုတာ အပြင်ပန်းကြည့်ရင် ပေါ့ပေါ့ပါးပါး ရေးသားလို့ရတဲ့သူလို့ ထင်ပေမဲ့ ၊ တကယ့် ပြင်ပ ဂျာနယ် မဂ္ဂဇင်း ၀ထ္တုတွေရေးနေတဲ့ စာရေးဆရာကြီးတွေလို စာဖတ်သူ လမ်းမှား မရောက်အောင် မိမိ စာပေအကြောင်းအရာပေါ်မှာ တာဝန်ယူရတဲ့ သူတွေပါ ။ သိပ်ဝေးဝေး မကြည့်နဲ့ ။ ခင်ဗျားတို့ ကျွန်တော်တို့ စာပေရေးသားမှု ပိုင်းမှာ လေးစာရတဲ့ တစ်ပြည်သူ အိမ့်ချမ်းမြေ့ (မလေး) ၊ သူဆိုရင် သူ့ရေးသားတဲ့ စာပေအရေးသား အကြောင်းအရာ ပေါ်မှာ အရမ်းကို ဂရုစိုက်တတ်သူပါ ။ သူ့ စာပေကနေ စာဖတ်သူတွေ အထင်အမြင် လွဲမှားမှုတွေ ၊ မကောင်းတဲ့ အကျင့်စရိုက် အယူအဆတွေ ၊ ရသွားမှာကို သိပ်စိုးရိမ်တဲ့သူပါ ။ သူ စာရေးတိုင်း တခါတလေ ကျွန်တော်ကို လာမေးပါတယ် . . ဗညားရေ မလေးရေးတဲ့ ဒီစာက စာဖတ်သူတွေ ဘယ်လို ထင်သွားနိင်လဲ ဘယ်လို မြင်သွားနိင်သလဲ တချက် ပြောကြည့်ပါဦး ဆိုပီး မေးလေ့ရှိတယ် ။ ဒါဟာ သူ့ ရေးတဲ့ စာပေပေါ် သူ လုံးဝ တာဝန် ယူချင်လို့ ၊ စာဖတ်သူကို အမြင်မှား အတွေးမှာတွေ မပေးချင်လို့ စာရေး ကတည်းက စည်းကမ်းထားပြီး ရေးသားနေတာ ။ ဒါကြောင့်မို့ Blog လောကမှာ သူဟာ စာပေရေးသားမှု အပိုင်းမှာ နာမည်ရခဲ့တဲ့သူ ၊ ကျွန်တော်တို့ ကျွန်မတို့ လေးစားရတဲ့ စာရေးသူ တစ်ယောက်ရယ်လို့ ပြောဆို ရလောက်တဲ့အထိ သိက္ခာရှိခဲ့တဲ့သူ ။ ခင်ဗျားတို့ရော အဲဒီလို လုပ်ရဲလား ၊ ခင်ဗျားတို့ အဲဒီလို လုပ်နိင်မလားးး . . . ခင်ဗျားတို့ စဉ်းစားကြည့်စမ်း ။ ဟုတ်ပြီး . . အဲဒီလိုမျိုး ကျွန်တော်တို့ ကျွန်မတို့ လုပ်နိင်ပါတယ် လုပ် နိုင် ခဲ့ ပါ တယ်ဆိုရင် . . ခင်ဗျားတို့ ကိုယ့်ကိုယ်ကို Blogger တစ်ယောက်ပါလို့ ဂုဏ်ယူလိုက်စမ်းးပါ ။ စာဖတ်သူရဲ့ အမြင်မှာ ခင်ဗျားတို့ရဲ့ စာပေရေးသားမှုအပိုင်း သိက္ခာကျမသွားစေရဘူးလို့ ကျွန်တော် ရဲရဲကြီး အာမခံလိုက်မယ် ။ နောက်ပြီး Blogger တွေမှာ Blogger အချင်းချင်း လေးစားမှုဆိုတာ ရှိသင့်တဲ့ အချက်တစ်ချက်ပါ ။ ကိုယ်ဟာ တစ်ပါးသူရဲ့ စာပေအရေးအသားတွေကို တစ်ပိုဒ်အစ တစ်ကြောင်းအဆုံး ကူးယူ အသုံးပြုမယ်ဆိုရင် အဲဒီစာပေရေးသားသူရဲ့ နာမည်ကို ဖော်ပြပေးသင့်တယ် ။ အခုခေတ်မှာ ( အများအားဖြင့် ၁၄ နှစ် နဲ့ ၂၂ နှစ်ကြား ) ဆယ်ကျော်သက် လူငယ်တွေထဲက အချို့သော လူငယ်တွေဟာ တစ်ပါးသူရေးတဲ့ ကဗျာ စာပေ တွေကို ကူးချင်သလိုကူး ပြီးရင် ကိုယ်ပိုင်ရေးသားသလိုနဲ့ ဆိုရှယ်ဆိုဒ်တွေမှာ တင်ချင်သလို တင်နေကြတယ် ။ ဒါဟာ မူရင်းစာပေရေးသားသူကို စော်ကားနေသလို သူတို့ရဲ့ အကျင့်စရိုက်ကို ဖော်ပြနေတာပဲ ။ ဒါဟာ မဖြစ်သင့်တဲ့ အချက်ပါ ။ လူငယ်တွေကို သိတတ်ကာစ အရွယ်ကတည်းက ကိုယ့်စာပေ ကိုယ်ယဉ်ကျေးမှုကို မြတ်နိုးတတ်တဲ့ စိတ် အကျင့်သီလ စောင့်ထိန်းတတ်တဲ့စိတ်တွေကို နားလည်လာအောင် စောင့်ထိန်းတတ်အောင် သင်ကြား ပေးသင့်ပါတယ် ။ ဒါကလည်း လူငယ်တွေကို အပြစ် မပြောသာဘူး သူတို့ အရှေ့မှာ နာမည်ကျော် စာရေးဆရာကြီးတွေ ကိုယ်တိုင် သူတစ်ပါး စာပေတွေကို ပေါ်တင် ခိုးကူးနေတာပဲလေ ။ ရှေ့ကသွားတဲ့ နွားလား ဖြောင့်ဖြောင့် မသွားတော့ နောက်ကလိုက်တဲ့ နွားလား ကောက်ကောက်လိုက်တာ ဆန်းသလားဗျ ။ ဒါပေမဲ့ လူငယ်တွေကို ဒီအတိုင်း လွှတ်ထားမဲ့ အစား ကျွန်တော်တို့ ၀ိုင်းဝန်း ပြုပြင်ထိန်းသမ်း ပေးသင့်တယ် ။ လူငယ်တွေကို ပြောပြ ဆိုဆုံးမသင့်တယ် ။ တစ်ယောက်နိုင်ရင် တစ်ယောက် ၊ နှစ်ယောက်နိုင်ရင် နှစ်ယောက်ပေါ့ ။ ဆယ်ယောက်ကို ပြောပြလို့ တစ်ယောက် နားလည်လက်ခံသွားရင်လည်း ဒါဟာ ကျွန်တော်တို့အတွက် အမြတ်ပဲ ။ ကျွန်တော်တို့တတွေ လူငယ်တွေကို စရိုက်ကောင်းတွေ အကျင့်ကောင်းတွေ နေထိုင်ပြုမူတတ်လာအောင် ပြုပြင်ပြောင်းလဲ ပေးသင့်တယ် ။ အဲဒီအတွက် ကိုနေဘုန်းလတ် ရေးသားခဲ့တဲ့ “ Blogger နှင့် Chatter ” ဆိုတာ ခင်ဗျားတို့ သွားဖတ်ကြည့်ပါ ။ Blogger တစ်ယောက် နဲ့ Chatter တစ်ယောက်ရဲ့ ကွာခြားပုံ တာဝန်ယူတတ်မှု ၊ သိတတ်မှု ၊ အကျင့်သီလ ၊ ခံယူချက် ၊ အစစအရာရာ ခင်ဗျားတို့ နားလည်လာလိမ့်မယ် ။ သူ့ ပိုစ့်မှာ ကောမန့် ပေးထားတဲ့ သူတွေကို ခင်ဗျားတို့ ကြည့်လိုက်စမ်း တကယ့် Blog ခေတ်ဦး စာရေးသူတွေချည်းပဲ ။ ကိုနေဘုန်းလတ်ဟာ ကျွန်တော်လေးစားရတဲ့သူ ။ လွတ်လပ်စွာရေးသားပိုင်ခွင့် ဆိုတာကို မြတ်နိုးပြီး ကိုယ်ပိုင်ခံယူချက် ကိုယ်ပိုင် အနုပညာမြတ်နိုးမှု နဲ့ လူငယ်တွေရဲ့ ရှေ့ဆောင်လမ်းပြတစ်ဦးပါ ။ လွတ်လပ်စွာရေးသားခွင့်ကိုမြတ်နိုးလို့ ၂၀၀၇ ခုနှစ် သံဃာ့အရေးအခင်းမှာ သတင်းတွေကို ဘလော့ကနေ တဆင့်ဖော်ပြခဲ့မှုကြောင့် ထောင်ဒဏ် နှစ် ၂၀ ကျခံခဲ့ရတဲ့ ပထမဦးဆုံး Blogger လူငယ်တစ်ဦးပါ ။ အသက် ၃၀ မပြည့်သေးတဲ့ လူငယ်တစ်ယောက်ရဲ့ စာပေမြတ်နိုးမှု ၊ စာပေအကျင့်သီလပိုင်း ၊ လူငယ်တွေကို လမ်းကြောင်းမှန် ရောက်အောင် သွန်သင်ပေးတဲ့ သူ့ရဲ့ စေတနာကို သူရေးသားခဲ့တဲ့ ကျွန်တော် လွတ်ကျခဲ့တဲ့ မြို့တော် ဆိုတဲ့ Blog ထဲက “Blogger နှင့် Chatter ” ဆိုတဲ့ ပို့စ်ထဲမှာ ခင်ဗျားတို့ တွေ့ပါလိမ့်မယ် ။ ကျွန်တော်သူ့ကို လေးစားရတယ် ဆိုတဲ့ အကြောင်းအရင်းက Blogger တစ်ယောက်ရဲ့ အကျင့်သီလစောင့်ထိန်းမှု နဲ့ နောင်လာနောင်သား လူငယ်တွေကို မှန်ကန်တဲ့ လမ်းကြောင်းပေါ် ရောက်အောင် လမ်းပြပေးတဲ့ Blogger တစ်ယောက်ရဲ့ စေတနာကို လေးစားမိတာ ။ နောက်ဆုံး နိဂုံးချုပ်ပြောရရင် Blogger တစ်ယောက်ဆိုတာ လွတ်လပ်စွာ ရေးသားနိုင်ပေမဲ့ တာဝန်ယူမှုအပိုင်းမှာလည်း မသေးဘူးဆိုတာ နားလည်စေချင်တယ် ။ Blogger အချင်းချင်းမှာလည်း ထားသင့်ထားထိုက် ရှိတဲ့ရှိထိုက်တဲ့ ရိုသေလေးစားမှု စာပေလေးစားမှုတွေကိုလည်း ထားရပါမယ် ။ စောင့်ထိန်းအပ်တဲ့ စာပေအကျင့်သီလပိုင်းကိုလည်း စောင့်ထိန်းရပါမယ် ။ အခု ကျွန်တော်ပြောခဲ့တဲ့ အချက်တွေကို ခင်ဗျားစောင့်ထိန်းနိုင်တဲ့ အချိန်အခါရောက်ရင် ခင်ဗျားဟာ Blogger ဆိုတာ ဘာလဲ ဆိုတာကို သေသေချာချာ နားလည် လာပါလိမ့်မယ် ။ အဲဒီအခါကျရင် ခင်ဗျားဟာ " ကျွန်တော်ဟာ ကျွန်မဟာ Blogger တစ်ဦးပါ " လို့ ရဲရဲဝံ့ဝံ့ ပြောဆိုနိင်ပါပြီး ။ အဲဒီအချိန် ရောက်ရင် ကျွန်တော်လည်း ခင်ဗျာကို လေးစားထိုက်တဲ့ Blogger တစ်ဦးအနေနဲ့ လေးစားနေမှာပါ ။ ကျွန်တော့်ကို ခင်မင်ခဲ့ကြတဲ့ သူငယ်ချင်း ညီအကို မောင်နှမ များအားလုံး Blogger ကောင်းများ ဖြစ်ကြပါစေလို့ ဆုမွန်ကောင်းတောင်းလိုက်ပါတယ်ဗျာ ။ ဒီပို့စ်လေးဟာ ကျွန်တော်ရဲ့ အမြင် ကျွန်တော်ရဲ့ အတွေးအခေါ်သာ ဖြစ်တဲ့အတွက် မည်သူမဆို သဘောထား ကွဲလွဲနိုင်ပါတယ် ။ မိမိ အမြင်ကို ဒီပို့စ်ရဲ့ ကောမန့်မှာ လွတ်လပ်စွာ ရေးသားသွားနိင်ပါတယ် ။ ဒီအတွက် ကျွန်တော် ဘာမှ ပြန်လည်ချေပမှာ မဟုတ်သလို ခင်ဗျားတို့ရဲ့ အမြင်ကိုလည်း ကျွန်တော် လေးစာနေမှာပါ ။ အားလုံးကိုခင်မင်စွာဖြင့် ဗညားရှိန် ( 9.9.11,9:15 AM )